Bultzada berria eman dio Sony-k etxeko telefonoak liberatzeko ekimenari. Helburu horrekin beren-beregi abiatu zuten webgunea birdiseinatu dute. Orain, urratsak erraztu eta etxeko modelo berrienak ere gehitu dituzte zerrendara.
Esan moduan, prozesua sinpletu dute eta soilik beharko da e-posta helbide bat eta mugikorraren IMEI kodea. Garatzaileentzako da bereziki interesgarria aukera, mugikorraren barne funtzionamendurako sarbide osoa irekitzen baitzaie. Aldi berean, hirugarrenen eskutik eta haiei esker bada ere, berrikuntzarako bide interesgarria izan daiteke Sony-rentzat.