Uztailean, presaz eta ez-ohiko bidetik, bultzatu gura du Google tasa delakoa Espainiko Gobernuak, Jabetza Intelektualaren Legearen zati baten moldaketaren barne. Uztailean izatea gura dute eta Diputatuen Kongresuan prozesua behartu gura dute hile amaierarako Senatura bidal dezaten tramitazioatekin uda ostean bukatzeko. Labur azalduta, Google tasa-k konpentsazio ekonomikoak planteatzen ditu editore eta argitaletxeentzat haien edukiak albiste batzaileetan erakusteagatik; zerga bidez ordaindua. Espainiako Ministroen Kontseiluak otsailean onartu eta Kongresuan apirilean eztabaidatu zen. Orain legearen onarpena aurreratu eta, uztailean plenorik ez dagoenez, Kultura Batzordearen deialdi berezi baten bitartez onarrarazi gura du Gobernuak, bozketarik egiteke.
Interneten babes eta sustapenerako elkarteek jada ohartarazi dute prozesuaren "ezkutukeria", Espainiako Internauten Elkartearen adierazpenetan, eta interes ekonomiko zehatzei erantzuten dien aldaketa izango dela salatu dute, legealdia amaitu baino lehen guztia "itxita" gera dadin. AEDE, Espainiako Egunkari Argitaratzaileen Elkartea da moldaketa honen babesle nagusia eta aurka dauzka bestelako argitaletxeak, enpresa asko eta erabiltzaile elkarteak.