Hasi da Google eskatutako emaitzak ezkutatzen, 'Ahaztura eskubideari' men eginez

Europar Batasuneko Justizia Auzitegiaren epaia beteaz, hasi da Google Ahaztura Eskubidea aitortuz eta aurrez hala eskatzen bada, emaitzak kontsultetatik kanpo uzten. Maiatzeko epai horren arabera, norbanakoek eska dezakete bizitza pribatuari eragiten dion zaharkitutako informazioa bilaketen emaitzetatik ezabatzen.

Google Europako agindua betetzen hasi bada ere, oso geldoa da prozesua; eskaerak banan-banan aztertzen baitabil bilaketen handikia. Ezabatze eskaera onartu izanez gero, emaitzaren lekuan ohar bat agertzen da, jakinaraziz balitekeela zenbait esteka legeari men eginez ezabatuak izan direla, copyright hauste kasuetan gertatzen den moduan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.