Whatsapp eta antzeko mezularitza eta txatetan erabiltzen diren iruditxo adierazkorrak dira Emoji-ak. Unicode Consortium delako batzordeak kudeatzen du ikonoen argitalpena eta banaketa eta horren ostean, enpresen baimenarekin, iOS ala Androiden teklatuetan jartzen dira eskuragarri. Hala erabakitzen badute, laster 250 emoji berri erabili ahalko dira. Gehikuntza honekin batera 2.843 sinbolo ere onartu dituzte (teklatu bidez, idatziz sartzen direnak).
Berrietatik zeresana piztu du hatz luzea erakusten duen emoji-ak. Azkenean, baimendu egin dute. Hala ere, orain iruditxo hain esplizitu hori euren sistemetan sartu ala ez, Apple moduko enpresa estuen esku geratuko da. Termometro bat, golf jokalari bat ala lebitatzen aurkitzen den gizonezko bat ere egongo dira ikonotxo berrien artean.
