Aburtoren esanetan, "egiazko kontratuen alde" egingo da, gizarte-segurantzako kotizazioarekin eta sei hilabeteko iraupenarekin edo iraupen mugagabearekin. Funtsezkoa da gazteen enplegua sustatzea, Aburtoren iritziz, hala egin ezean arriskuan egongo delako kohesio soziala, bizitza-proiektuak atzeratzera behartuta egongo direnez.
"Ez da zergak murrizteko unea"
Kohesio sozialari dagokionez, sailburua kezkatuta agertu zen zerga-sistemari buruzko eztabaidak direla eta. Honela esan zuen: "Ez da zergak murrizteko unea; zerga-sistema mailakatuaren unea da, etorkizunean herritarrek arreta egokia jaso dezagun, baldin eta zaurgarritasunezko egoeran jausiz gero".
Sailburuak gizarte-babeserako euskal sistema goretsi zuen eta adierazi zuen "berme gehiegi eskatzen dituela" adieraztea edota herritarren 100 babesten ez duela eta, ondorioz, oinarrizko errenta unibertsala aldarrikatzea, "sisteman arriskuan jartzea" dela eta aurrera eramaten ari diren politikei zilegitasuna kentzen diela.
Elkarrizketa soziala hizpide hartuta, sailburuak azaldu zuen Eusko Jaurlaritzak "hirutariko elkarrizketa sozialaren" alde egin duela. Bere ustean, elkarrizketa «egingarriagoa» izango da uda ostean, metalaren hitzarmenean aurrerapausoak ematea gertatu daitekeelako, aintzat hartuta sindikatuen eta patronalaren planteamenduak. Hori guztia "aztertu egin behar" dela esan zuen Onda Vascan.
Aburtok esan zuenez, ELAk uko egin dio eztabaida-mahai sozialean parte hartzeari. Aldiz, LABek "jarrera kritikoa izan arren, parte hartzeko borondatea" duela esan zuen sailburuak. Horrenbestez, sailburuaren arabera, "LABen planteamenduak kontuan hartzea merezi du".
