Aldundiak 150.000 euro bideratu ditu Gipuzkoan indusketa arkeologikoak egiteko

Duela bi urte Lezetxikin egindako indusketa lanak.
Aldundiak 150.000 euro banatu ditu aurten hainbat elkarte eta arkeologoen artea lurraldeko 35 indusketa lanetan hasi edo jarraitu dezaten. Ikerne Badiola Kultura, Gazteria eta Kiroleko diputatuak azpimarratu du ikerketa horien garrantzia: "Hori guztia helburu jakinarekin egiten dugu: gure ondarea azaleratu, aztertu eta ezagutarazteko, balioan jartzeko eta babesteko".

Arkeologiak norberaren jatorria eta kultura erakusten duela ere aipatu du, hau da, gauzak nondik datozen jakiten laguntzen duela. Horregatik uste du arkeologia sustatzeak esfortzua merezi duela.

Praileaitz, Munoaundi, Irikaitz, Castella-Gaztelu, Besagain, Aitzorrotz eta Lezetxiki dira indusketa nagusiak:

  • Aitzorrotz: Gaztelu honetako indusketak bukatzera doaz eta  sarrera aldeko eremua ikertu nahi da. Aurreko urteko  emaitzak ikusgarriak izan ziren Burdin arokoa izan daiteken  fibula edo giltzaorratz baten aurkikuntzarekin. Estilo zeltako fibula da.  Horrek, Harkaitzaren okupazioa atzeratzen du oraindik gehiago, bai bagenekien erromatar garaian bertan ibili zirela. Aitzorrotzeko ekipo berak Axtrokiko urrezko ontziak azaldutako inguruak ere miatu nahi dituzte.
  • Lezetxiki: Haitzulo honek sorpresa handiak eman ditu uste baino maila zaharragoak azaldu baitira. Bukatzera zihoala ematen zuenean aztarnategiak jarraitzen du eta 150.000 urte inguruko zenbait fauna aztarna eta gizakiak eginiko tresna solte batzuk ematen jarraitzen du.

Gordailua

Aldundiak, ondarearen arloan, legealdi honetan, bereziki sustatu nahi izan dituen arloak hiru dira: Gordailua, museoak eta arkeologia. Arkeolan edo Aranzadi bezalako erakundeak, Gipuzkoan arkeologian lanean dabiltzanak, Gordailura gerturatu dituzte eta horrela bi gauza lortu dira:

  • Arkeologiaren azterketa eta zabalkunde zientifikoa bertan garatzea.
  • Gordailua izatea ondare higigarriaren inguruko difusioaren hedatzaile nagusia; bai eskoletan egiten den lanketaren bitartez, baita herritarrak bertara hurbildu eta ateak irekiaz ere.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.