Iñaki Uria: "Oso pozik hartu dugu berria, absoluzioa besterik ez zen gelditzen"

Ane Elordi 2014ko eka. 4a, 12:07

'Egunkaria'-ren auzi ekonomikoaren itxiera dela eta, Iñaki Uriak, 'Egunkaria'-ko kontseilari ordezkari ohiak eta auzipetuak, positiboki baloratu du Carmen Zubimendi epailearen erabakia. Uriak adierazi duenez, hasieratik zekiten ez zegoela deliturik eta absoluzioa tokatzen zela. Hala ere, 'Euskaldunon Egunkaria' itxi zenetik, hamaika urte igaro dituzte "fama txar horrekin". Azkenean, epaiak arrazoia eman die auzipetuei.

Fiskalak, gehienez, bost egun ditu erreforma helegitea edo apelazioa aurkezteko. Uriaren ustetan, fiskalak ez du apelaziorik aurkeztuko, heldulekurik ez duelako; "baina inoiz ez da jakiten horrelakoetan zer gerta daitekeen".