Eztabaida eta kontrakotasun handiak sortu zituen orduan Borboien bisitak. Mondragon Taldeak, Fagor Etxetresnei bultzada emateko eta Espainiako merkatuan hobeto kokatzeko bultzada moduan planteatu zuen Espainiako Estatu buruaren bisita.
Euskal agintariek (Juan Jose Ibarretxe zen orduan lehendakaria) eta MCCko buruek (Jesus Catania zen korporazioko presidentea eta Pablo Mongelos Fagor Etxetresnen zuzendari nagusia) egin zioten harrera. Arrasateko alkatea Inazio Lakuntza zen. Kalean, Arrasaten, manifestazioak egin zituzten.
2.000 ikerlari
Garaian, abian jarri eta 12 urtera 2.000 ikerlari ariko zirela kontatu zuen Goienkaria-k orduan, MCCko iturrien ahotik. Fagorreko buruek, bestalde, oso garrantzitsutzat jo zuten Espainiako Errege-Erreginen bisita, Fagorren produktuak Espainiako merkatuan sendotzeko. Beste sasoi bat zen. Ekonomia hazkunde etengabean zen. Nekez aurreikusi zitekeen orduan, 2008tik aurrera etorri zen eta egun bizi dugun krisi latza; ezta Fagor Etxetresnen bukaera ere...
Goiena.net-en egin zitzaion jarraipeneko albiste batzuk hemen:
- Espainiako Errege-Erreginen bisitan neurri zorrotzak
- "Erregea kanpora" bezalako oihuak eta txaloak Espainiako Errege-Erreginaren harreran
- Arrasateko zenbait herritarrek dio erregea etortzea inposizioa dela
Eta Goienkaria-k hurrengo egunean albistea zela jaso zuen ikus dezakezue jarrraian.