Google-ek 24 Lexus RX450h auto ipini ditu errepidean azken urtebetean eta software-ari garapenak egiten jardun dute. Azaldu dutenez, sistema gauza da "gizakiak ez bezala, ehunka objektu, egoera eta seinale aldi berean kontuan hartzeko, neke izpirik gabe eta arreta galtzeke". Google-etik nabarmendu dute auto horiek, modu automatikoan zihardutela, ez dutela istripurik izan batere, guztira ibilitako 1.260.000 kilometroetan. Sistemarekin segurtasuna jada bermatu dutela diote eta proiektuak aurrera jarraitzen duela.
Ia erdi ezkutuan bada ere, 2009an ekindako proiektuak jada kilometro asko egin ditu eta, hain zuzen, Google-ek azaldu berri du azken urtean hainbat prototipo enpresak egoitza duen hiritik zirkulatzen izan dituztela, betiere alboan gizaki batekin, eta esperimentua arrakastatsua izan dela, istripurik gertatu barik.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak