Medikuak probak egiten aritu zaizkio arratsaldera arte ondoezak zer eragin dion jakiteko, baina egin beharreko azterketa guztiak ez dira oraindik amaitu. Horregatik gaurko gaua obserbazioan igaroko du diputatu nagusiak.
Hala ere, bere osasun egoerak nabarmen egin du onera. Plantara eraman dute, senitartekoekin batera dago eta Foru Gobernuaren ordezkaritza murritz baten bisita jaso du. Medikuek atsedena agindu diote.
Gaurko ikurrinaren omenezko ekitaldian diputatu nagusia ondoezik sentitu ostean herritarrek erakutsi duten berotasuna eta elkartasuna nabarmendu nahi ditu Foru Gobernuak eta biziki eskertu nahi du hedabideetako kazetariek erakutsitako errespetua. Bide batez, herritarrengandik zein hainbat erakundetatik jasotako elkartasun mezuak ere eskertu nahi dituzte.
