Gaur hasiko dira Gipuzkoa Encounter topaketak Tolosan

Ekitaldiaren aurkezpen ekitaldia.
Gpuzkoa Encounter informatika topaketa gaur hasi eta igandera arte luzatuko da Tolosako Usabal kiroldegian. Bideo-joko, txapelketa, modding teknikaren inguruko lehiaketa eta sare sozialei buruzko mahai-inguruak izango dira topaketan, besteak beste. Hiru egunetan 1.000 megabyte-ko konexioa izango dute bertara joateko aukera izan dutenek.

Kiroldegia lepo beteta egongo da iragarpen guztien arabera. Izan ere, minutu eta erdian topaketak dituen 400 plazak hartuta zeuden. Sabino San Vicente Gipuzkoa Encounter-eko koordinatzailearen arabera, "laborategi informatiko txiki bat" izango da eta bertan "jakintzak partekatu" eta "etorkizunerako proiektuak" garatuko dira. Lore Martinez Axpek, Informazio Gizartearen foru zuzendariak informatikaren industriaren garrantzia azpimarratu zuen Gipuzkoako Aldundian egin zen topaketaren aurkezpen ektialdian. "Bideo-jokoen sektoreak urtean 10 milioi euro mugitzen ditu eta 250 profesional ari dira bertan lanean. Gora doan sektore bat da, profesionalizatzen ari dena, eta GAIAn (Informazioaren eta komunikazioaren teknologien klusterra) sartzearekin batera aukera gehiago ireki zaizkio kanpora ateratzeko eta nazioarteko merkatuetara iristeko".

Parte-hartzaileen %89 gizonezkoak izango dira eta %11 emakumezkoak. Lo egiteko leku bat ere ahalbidetuko zaie, bertan kanpin-dendak, koltxonetak edo lo-zakuak jarri ditzaten.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.