Herritarrek ekarpenak uzteko aukera dute Kulturaauzolanean.net webgunean. Bertan, proiektuaren nondik norako guztien gaineko informazio zehatza jaso daiteke. Dagoeneko hasi da jendea iruzkinak uzten. Jasotako ekarpenekin, 2014-2015 aldiko Kultura Auzolanean proposamen berria Kulturaren Euskal Kontseilura eramango da han kontrastatzeko eta onartzeko.
20 proiektu
Kultura Auzolanean programaren helburuak hauek dira: erakundeen arteko harremanak indartzea; sinergiak sortzeko, sektore-arteko ekimenak eta zeharkako ekimenak dinamizatzea; euskarazko edukiak eta zerbitzuak hobestea; krisiari aurre egitea kultura-sektoreak babestuz; sexu-berdintasunaren, giza-integrazioaren eta kultura-barietatearen alde egitea; eta kultura-eskaintza hobetzea.
Izaera praktikoa du plangintzak eta, horregatik, dagoeneko aurten bistaratu nahi dira bertan definitutako helburu batzuk.
Hauek dira lehentasuna duten proiektuak eta aurten espero diren emaitzak:
Euskal Behatokia: Jarraipen Batzordea abian ipini eta kulturaren egoerari buruzko txostena egingo da.
Sorkuntza Fabrikak programa: Berriz definituko dute.
Kulturklik atari interaktiboa garatzea: Sektoreko agenteen katalogo ireki bat landuko da aurten.
Finantzabideak: Dirulaguntzen mapa egingo da.
Ohiturak eta kontsumoa sustatzea: Erakundeen artean jarduteko proposamena egingo dute.
Dokumentu Publikoen eta Artxiboen legea: Txostenak eta entzunaldi publikoa egin beharko dira.
Liburutegi digitala, on-line: Plataforma publiko autonomoa sortu eta lizentzia mugagabeak erosteko proposamena egingo dute.
Irakurketa publiko sarea: Barruan ez dauden hiriak integratuko dituzte.
Musikaren bulegoa: Aurten ipiniko da martxan.
Antzerkirako dirulaguntzak: Mapa berria proposatuko dute.