2012an baino %12 enpresa gehiago izango dira biurtekoan, baita Debagoienekoak ere

Leire Kortabarria 2014ko mar. 25a, 00:00
2012ko biurtekoaren irudi bat, tartean Soraluceren postua ikusten dela.
Ekainaren 2tik 7ra egingo da Barakaldoko BECen Makina-
Erremintaren Espainiako Biurtekoa, eta bistan da enpresen artean piztu duen interesa, dagoeneko 940 enpresak konfirmatu dute-eta parte hartuko dutela. Aurten 28. aldiz egingo da makina-erremintaren biurteko hori, bere sektoreko garrantzitsuenetariko bat.

Han izango direla baieztatu duten enpresen artean, Debagoieneko ordezkaritza polita dago: hain zuzen, 11 enpresak eman dute izena. Hauek dira: Danobat S. Coop (Bergara), DanobatGroup S. Coop (Bergara), Fagor Arrasate (Arrasate), Fagor Automation (Arrasate), Soraluce S. Coop. (Bergara), Num CNC Highland Applications, SA (Oñati), Oerlikon Balzers (Antzuola), Sisteco SL (Elgeta), Sitalu 2001 SL (Bergara), Talleres Filber SL (Bergara) eta Tecnología y Sistemas para EDM (Tecnosystem) (Bergara).

Iazko hazkundeari eutsi

Antolatzaileen esanetan, oraindik azoka egiteko hilabeteak falta badira ere, "partaidetza, aurreko edizioko aldi berari dagokionez, % 12 inguru handitu da". Horretan zerikusi handia izan du, adierazle handi gehienen arabera, krisi teknikoa bukatu izanak: "Merkatua norabide onetik doan eta oneratzea forma hartzen dabilen neurrian, kontratazioa ere garatzen dabil eta aurreikuspenak onak dira".

Aztarnak oso onak dira. BEC-eko Marketin zuzendari Mario Goffard-en esanetan, euskal makina-erremintak iazko erritmoan jarraituko du hazten. Iaz, 1.400 milioiko ekoizpena egin zen Espainian eta Euskal Herrian, 2012an baino %5 gehiago.
Bestetik, Eusko Jaurlaritzak bultzatutako makina-erremintaren renove plana arrakasta hutsa izaten dabil, eta laguntza horiek ere biurtekoarendako bultzada izan dira.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak