Inork gutxik espero zuen mugimendua gertatu da teknologiaren handikien artean. Google-ek Motorola bere eskuetatik joaten laga eta Lenovo enpresa txinarrari saldu dio. Orain dela bi urte erosi zuen Google-ek Motorola eta enpresa bera barik, harekin lor zitzakeen patenteetan zeukan interesa Google-ek. Patenteek – 17.000 bat, gutxi gorabehera – euren jabetzakoak izaten jarraituko dute baina enpresa bera aurrerantzean Lenovorena izango da.
Zabalkunde geografikoa
Lenovo erosketarekin hedapen kontuetan ateratzen da irabazle, Latinamerikan eta Estatu Batuetan kokapena egonkortuz. Orain, Txinako eta Estatu Batuetako gobernuen argi berdearen zain daude konpainia biak, akordioa erabat gauza dadin.
Motorolak gaur egun bi mugikor izar ditu, batez ere Estatu Batuetan arrakasta nahikoa izaten dabiltzanak. Moto G delako modeloa merkaturatu dute berriki. Erdi-goi mailako modelo hau 100 dolarretik behera saltzen da Estatu Batuetan eta oso kolokan jarri ditu merkatuko modelo nagusi asko. Hardware-a orain Lenovoren eskuetan geratu da eta sistema operatzaileari buruzko zalantzak zabaldu dira orain. Joko horretan Samsung eta Sony ere badaude, poliki-poliki berezko sistema baten alde egiten.