Goizeko hitzorduari dagokionez, 09:00etatik 12:00ak bitartean Arrasate Pasealekuko 3. zenbakian egongo dira, Gautenaren lokalean. Borondatezko ekarpen eta mailegu kontzeptu gisa zorretan diren kopuruak eraman behar ditu horiek Konkurtso Mahaian erreklamatu gura dituenak. Baita zenbait dokumentazio ere: nortasun agiriaren fotokopia, harremanetarako helbide elektronikoa edo telefono zenbakia…"Aurretik fitxa bete ez duten guztiak etortzea komeni da", diote elkartetik.
Biharko datu bilketaz gainera, astelehenean ere zeregin horretan segituko dutela iragarri du Ordainduk. Kasu horretan ere, 09:00etatik 12:00ak bitartean, eta leku berean.
Bazkideendako bakarrik
Datuak biltzeaz gainera, Ordaindutik jakinarazi dute elkarteak izaera ofiziala duenetik hasita, Ordainduren gastuak estaltzeko hiru hilabetean behin 25 euroko kuota ezartzea erabaki dute. Eta behin elkartea formalizatuta, bakar-bakarrik bazkide direnak atendituko dituztela ohartarazi dute.
Protesta, Biterin
Bihar arratsaldeko hitzorduari dagokionez, berriz, 18:00etatik 19:00etara elkartuko dira Biteri plazan, protesta egiteko.