Datozen egunotan egingo da Ordaindu elkartea sortzeko batzar orokorra

Joan den astean hasitako lana datorren eguenean, hilak 16, jarraituko du Ordaindu plataformak: Fagor Etxetresnetako bazkideen zorraren gaineko datuak batzen egongo dira Arrasate Pasealekuko 3. zenbakiko lokalean. Horrez gain, hilaren 20an egingo dute Ordaindu elkartea sortzeko batzar orokorra, Amaia antzokian.

Datu-batzearekin jarraituko du Ordainduk hilaren 16an. Ohiko lekuan egongo dira ordezkariak 09:00etatik 12:00etara, borondatezko ekarpenen eta mailegu merkantilen gaineko erreklamazioak egin gura dituzten bazkideen datuak batzen. Honako datuak eroan behar dira: NAren fotokopia, konkurtso-mahaiak bidalitako orriaren fotokopia, norberaren edo senideren baten posta elektroniko helbidea eta poltsikoko telefono zenbakia.

Eguen horretan bertan egingo dute asteko kale-bilkura, Biteri plazan, 18:00etatik 19:00etara. "Kaltetuak eta gure jarrera bidezkotzat jotzen duten guztiak gonbidatzen ditugu", esan du Ordainduk.

Ordaindu legezko elkarte izango da hilaren 20a ezkero, astelehena. Egun horretan, 10:00etan, egingo dute sortze-batzarra, Arrasateko Amaia antzokian. Aurreikusi baino lagun gehiago espero dituztenez, batzarraren eguna eta lekua aldatu behar izan dituzte.

Erlazionatuak

Ordainduk datuak batzen segituko du bihar, eguena

Arrasate

Ordaindu Elkarteak bi hitzordu egin ditu biharko, eguena. Goizean datuak batzen egongo da, atzo, egin zuen moduan. Horren helburua da Ordaindu Elka...
Erreklamazioak egiteko, kooperatibisten datuak batu ditu Ordainduk

Arrasate

Gaur, martitzena, goiz osoan egon dira Ordaindu elkartekoak Arrasate Pasealekuko 3. zenbakiko lokalean, Fagor Etxetresnetako bazkide mordo baten da...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.