Ikerketa batek dio munduko trafikoaren %61 ez dela gizakiena

Incapsula erakundeak egindako ikerketak dio Interneteko web trafikoaren %61,5 automatek egindakoa dela eta %38,5 soilik dela gizakiena. Horretarako, 90 egunetan bot delakoek eginiko 1.450 milioi bisitaren jarraipena egin dute. 20.000 webgune aztertu dituzte 249 herrialdetan.

Aurtengoarekin, bi dira gai honi egin dizkioten jarraipenak.  Hala, 2012an %51a zen bot-en trafikoa eta urte bateko epean, hazkunde oso nabarmena izan da. Orotara, trafiko automatikoa deritzona %21 hazi da urtebetean soilik.


Onak eta txarrak

Ikerketaren arabera, bi dira hazkunde hau esplikatzeko arrazoiak: "Zerbitzuen Interneta" delakoaren zabalkundea (Internet presente dago ordenagailuez aparte, beste leku askotan) eta bot-en euren  jardueraren igoera ere badago. Gainera bot guztiak ez dira kaltegarriak, horietatik batzuk bilatzaileek eurek erabiltzen dituzte jarduera hobetzeko.  
Bot kalte-eragileen artean, ordea, geroago eta mota gehiagokoak daude nortasun ebasleak direnak, webguneen segurtasun neurriei izkin egiten dietenak, hain justu. Ikerketarekin ere berretsi ahal izan dute bot horiek garatzen dituzten programatzaileek geroago eta teknika sofistikatuagoak erabiltzen dituztela.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.