Mondragon Taldeak ez du fondorik sortuko ekarpenen arazoari irtenbidea emateko

Mondragon taldeko Kontseilu Orokorreko presidente Txema Gisasolarekin batzartu zen, besteak beste, atzo (eguaztena) Fagorren ekarpenengatik kaltetuta daudenak ordezkatzen dituen Ordaindu Plataformak. Bestelakoen artean, arazo horri irtenbidea emateko fondo bat sortzea eskatzera joan ziren Ordainduko ordezkariak, eta ezezko erantzuna jaso zuten, Mondragon Taldeak ez duela fondorik sortuko. Hala ere, bestelako irtenbide bati ez dizkiote ateak itxi.

"Bi aldeendako gogobetekoak edo pozgarriak izan daitekeen bestelako edozein irtenbide" aztertzeko gertu azaldu ziren Mondragon Taldeko agintariak eta hori ardatz, elkarrekin batzartzen segitzeko konpromisoa erdiestea ere lortu zuen Ordainduk.

Hilabete barru-edo, berriro

Horrexegatik, Mikel Olaberendako, Ordaindu Plataformako bozeramailearendako atzo iluntzeko batzarra "pozgarri samarra" izan zen. Horregatik, eta baita ere, orain arte ikusi ez duten gertutasuna ikusi dutelako Mondragon Taldearen aldetik. "Eta horrez gainera, onartu dute, adibidez, ekarpenen kontuarekin badagoela arazoa, eta orain arte ez dute horrelakorik egin", gehitu du Olabek.

Batzar eta mobilizazio gehiago

Taldeko ordezkariekin batzarrak egiten segitzeaz gain ("hilabete barru-edo"), erakundeekin berbetan segituko dutela ere iragarri du Ordainduk, eta baita mobilizaziotan ere.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.