Android sistema eragilearen bertsio ezberdinak eta sistema bera egokitu behar den gailu mota kopurua handia ez da mesedegarria Google-en sistema eragilearentzat. Oso handia da Android darabilten dispositibo ezberdinen kopurua eta sistema eragilearen bertsio ezberdinak izateaz gain, gailu bakoitzak hardware ezberdina duenez, sistema eragile beraren bertsio bat gailu guztiekin bateraezin bilakatzen du. Sistema eragilearen zabalkunde azkarraren arrakastaren gakoa izan zena, orain, egonkortze fase baten, problema bilakatu da. Izan ere, garatzaileek konpatibilitate arazo handiak dituzte aplikazioak egiterakoan. KitKat-ekin, asmoa da gama baxu zein altuko gailuetan, hardware-a eta sistema gorabehera, guztientzat erabilgarria den Android egonkor bat izatea.
Helburu horietaz gain Android berriak aurrera begirako urratsak ere planteatzen ditu Wearables delakoen joeraren barruan – erloju, betaurreko... inteligenteak –, sistema egokitu bat aurkezteko. Horrekin lotuta urrats kontagailuak, errotazioa bektoreak ala urrutiko kontrolentzako euskarrientzako prest egongo da sistema eragile berria, ahalik eta dispositibo gehiagorengana heltzeko. Berealdiko garrantzia duen eguneraketa izango da, hortaz.