Hori desgaitzea erabaki du Facebook-ek erabiltzaile guzti guztientzat. Lehen abisu moduko bat egin zuten abenduan, ordurako aukera hori erabiltzen ez zuten erabiltzaileei desgaituko zietela esanez. Orain, ostera, profil mota guztiei eragingo die erabaki berriak.
Arrazoien artean, azaltzen dute bilatzaile moduan sendotu gura dutela sare soziala eta bilaketa beraren erabilgarritasuna oztopatzen zuela aukera horrek, ezagunen artean zenbait lotura egitea ere galarazten zuelako. Are beharrezkoagoa suertatu zaien hori Graph Search aplikazioa luze eta zabal erabiliko zutela erabaki zutenean. Bilaketa berri horren emaitzetan mota guztietako informazioa sartu gura dute, Facebookeko erabiltzaileek eurek osatzen dutena.
Emaitza osatuak
Profil guztiak publiko egiterakoan erlazionatutako informazioa emango da eta horregatik zaie beharrezkoa erabiltzaile guztien agerikotasuna. Izan ere, "Bilbon bizi diren surflariak" bilaketa eginez gero, termino horiekin lotutako erabiltzaile, leku ala negozioen loturak emango lirateke eta emaitzak ahalik eta osatuenak izateko, erabiltzaile guztien agerikotasuna zaie ezinbestekoa.