Antolatzaileek diote, barrea hortzak erakusteko beste modu bat dela eta horregatik, bada, umorez helarazitako mezuei lekua egin diete ibarreko zein inguruko hainbat artistei gonbidapena luzatuz. Aitor Navarro eta Eneritz Artetxe izango dira egitaraua zabalduko dutenak. Egiatik dator Navarro eta eskarmentua du umorea egiten; antzerkia eta zinea ditu pasio. Artetxe gernikarra, berriz, antzerkigintzan, telebistan eta zineman lan egindakoa da. Dramatismoan eroso badabil ere, umorearen erregistroan ere aske sentitzen dela diote gaztetxetik.
Hurrengo saioak
Hurrengo egubakoitzean, Antiguoko Txiki eta Jon Plazaola urretxuarra izango dira. Arrasateko Xusti Sermoiak eta Alopecia en la lengua Urretxuko bikoteak itxiko dute jaialdia