Denbora horretan, Bergarako ertzain-etxetik aditzera eman dutenez, patruilatzera bideratutako denboraren ehunekoa, "hamabost aldiz handiagoa izan da, eguraldiagatik hilabete konplexua izan arren". Kalera irtetearen gaineko balorazioa ere egin dute Bergaratik: Esperientzia positiboa izan da, eta pozik gelditu dira bai herritarrak eta baita ertzainak ere. "Delituaren bilakaeran izan duen eraginari dagokionez, denbora-tarte handiagoa behar dugu ondorioak ateratzeko".
Froga fase arrakastatsua
Tamaina eta delitu-tipologia ezberdinak dituzten Gipuzkoako hiru ertzainetxetan abiarazi zuten korrikak gehitzeko plan pilotua: Donostian (hiri eremu handia), Bergaran (eremu ertaina) eta Zumarragan (eremu txikia).
Ertzaintzak garatutako plan estrategiko berri honetan hiru korrika eredu ageri ziren: Batetik, delituak gertatzeko aukera handiagoa duten eremu eta ordutegietakoak. Bestetik, herritarren segurtasun-pertzepzioa handitzeko xedea dutenak. Eta hirugarrenez, ertzainen esperientziaren eta ezagutzen ondorioz eginak.
Data zehatzik eman ez duten arren, laster, bigarren faseari ekingo diote eta korrikak pixkanaka gainontzeko ertzain-etxeetan ere egongo dira.