Horretarako, hainbat ekitaldi prestatzen dabil mankomunitatea: erakusketak, hitzaldiak, erreka garbitzeko eguna, araztegietara bisitak… Udako argazki lehiaketa ere egingo dute, honako gaiarekin: Ura eta Erreka Deba Ibarrean.
Hiru kategoria izango dira: 14 urtera artekoena, 14-65 urte artekoena eta 65 urtetik gorakoena. Parte-hartzaile bakoitzak, gehienez, bi argazki aurkez ditzake, biak formatu digitalean. Argazkiarekin batera adierazi beharko dira kontaktua, adina eta izenburua.Argazkiak bidaltzeko azken eguna irailaren 20a da.
Jendearen botoa
Aurkeztutako argazki guztietatik 30 aukeratuko dira aurre-aukeraketa batean, eta erakusketa egingo da Debagoieneko herri guztietan. Erakusketa ikustera doanak botoa eman ahal izango du, eta bertara joan barik, udal guztietako eta mankomunitateko webguneetan ere ikusgai egongo dira nahi duenak bozkatu ahal izateko. Bozketa horien ondoren irabazleak izendatuko dira.
Kategoria bakoitzean irabazle bat egongo da eta kasu guztietan oparia bertako produktuen otzara izango da. Argazki irabazleak Ura eta Erreka Deba Ibarrean astean izendatuko dira eta aipatutako webguneetan argitaratuko dira.
Argazkiak eta datu guztiak posta elektronikoz bidali behar dira: argazkilehiaketa@debagoiena.com.