Google eta Apple etxeen sistemak oso lotuta daude momentuan momentuko euskarrien teknologiarekin: mugikorren ahalmenaren arabera sortzen dira programak, ahalik eta astunenak. Beraz, berritasunak sarritan mugikor berrienetan baino ez dabiltza egoki, gaitasun handia behar dutelako. Horrek, gainera, energia-kontsumo handia dakar, eta ondorioz, askotan kargatu behar izaten dira telefonoak. Mozillakoek dakarten sistema-eragilea bestelakoa da. Oinarrian sarean ibiltzeko nabigatzailea dauka Firefox OS programak eta HTML5 kodearekin dabil. Ondorioz, askoz ere eskakizun teknologiko txikiagoa du Mozillaren sistemak eta bateria-kontsumoa ere askoz txikiagoa da. Darabilen kode irekiari esker, aplikazioak edonondik jaitsi ahalko ditu erabiltzaileak eta ez banatzaile bakar batetik.
Merkatu berrien bila
Firefox OS sistema bigarren mailako telefonoak dituztenentzako da egokiagoa. Mugikor berriena derrigorrean eduki behar ez duten horientzat. Indar gutxirekin ere badabilelako.