"Euskal Y-aren porrota" ikusten du AHT Gelditu Elkarlanak Frantziako gobernuaren atzeratzeko erabakiaren ondotik. AHTaren Hendaia eta Bordele arteko zatia 2030era arte gutxienez atzeratu izanak, Euskal Y delakoa Europarako loturarik gabe lagako duela adierazten dute taldetik eta hortik proiektuaren porrot ustea.
Hala, zabaldutako ohar baten diote "bai Frantziak eta bai Adifek zein Espainiako gobernuak AHTa bere gain har ezin dezaketen xahuketa bat dela onartu behar izan" dutela.
Amaitzeko, eransten dute zera, "obrak geldiarazi eta egitasmo osoaren birplanteaketa zorrotz batekin erantzun" behar lieketela "Eusko Jaurlaritzak, Nafar Gobernuak eta Sustapen Ministerioak", "AHTren inguruan egunetik egunera pilatzen ari diren zalantza ekonomiko, tekniko eta finantzieroei" erantzuteko.