Reparalia etxeak emandako datuak dira. Aditu horien esanetan, aldian-aldian errebisioa eginda, instalazioa apurtzeko edo hondatzeko arriskua txikitu egiten da.
Gastua are gehiago handitu daiteke praktika txar batzuekin, hala nola janari-hondakinak, olioa edo koipeak arraskatik behera botatzea edo hondakinak edo paper larregi komunetik behera botatzea. Horrek hodiei kalte egiten die.
Adituek zenbait aholku ematen dituzte etxeko ur-instalazioa ondo edukitzeko.
1. Urak ihes ez egiteko, hiru pauso eman daitezke: lehenengo, ur-giltza itxi eta txorrotatik ura irteten jarraitzen duen begiratu. Bestalde, ur-tanta jariorik entzuten bada, non dagoen topatzea komeni da. Azkenik, txorrota guztiak itxi arren ur-kontadoreko erruberak bira egiten jarraitzen badu, instalazio barruan urak ihes egiten duen seinale da.
2. Hustubidean edo hodietan trabak, ataskoak baldin badaude, zerk eragin dituen jakitea komeni da, aurrerantzean gerta ez daitezen. Instalazioa egin zenean akatsak daudelako edo denborarekin hondatuz joan direlako izan daiteke, baina baita garbigailuko edo ontzi-garbigailuko xaboi-arrastoengatik ere.
3. Trikimailu batzuk daude hodiak hobeto edukitzeko: astean behin lapikokada bat ura irekiten bota hoditik, pilatutako koipea urtzeko; edo, noizean behin, legami kimiko kikara erdi eta ozpin zuri kikara erdi botatzea.
4. Horrez gain, ez da inoiz koipea, olioa, degradatzen ez den papera, argizari beroa edo substantzia kimikorik hustubidetik behera bota behar.