"Euskararen nazioarteko aitortza dakarrelako", '.eus' domeinuaren onarpena ospatuko dute gaur Bilbon

ICANN erakundeak onartu du, urteetako eskaerari kasu eginez, .eus domeinua. Domeinuaren aldeko .PuntuEus Fundazioak "euskararen herriaren nazio aitortza" dela dio eta "garapen lokalerako tresna global" bezala aurkeztu dute, "euskararen eta euskal kulturaren Interneteko presentziari, izanari, izena" jarri diona. Domeinua erabilgarri datorren urteko apirilean egongo da. Onarpena, hortaz, prozesu luzearen azken urratsetako bat da, beraz, lau urtetako lanaren barruan. Lorpena ospatzeko, ekitaldia egingo dute gaur PuntuEus Fundazioko kideek, patronatuak eta kide atxikiek (Goiena Komunikazio Taldea barne). 13:00etan EHUren Bizkaia aretoan izango da ospakizun ekitaldia.