Lau asten herriz herri (gurean, Elgetan) Mundumob ekimena gauzatu ostean, bihar, Donostiarako (18:00etan) gonbitea egin du Gipuzkoa Zero Zaborrek, ekimena borobiltzeko. "Hondakinen kudeaketan ere oinarri izan beharko lukeen printzipioa aldarrikatzen ari gara. Guztiok daukagu mundua aurreko belaunaldiek jaso zuten aukera berdinekin jasotzeko eskubidea, eta ondorioz, guztiok daukagu hurrengo belaunaldiei mundua jaso dugun aukera berdinekin uzteko betebeharra", hori izango dute oinarri.