Eusko Ikaskuntzako sariak 1995az geroztik banatzen dira eta 20.000 euroko dotazio ekonomikoa dute (aurten, sari bikoitza eman da eta, Paco Etxeberria familia medikuarekin partekatuta, 10.000na euro jasoko dute saridunek) eta Humanitate, Kultura, Arte eta Gizarte Zientzien alorretako pertsona ospetsuak nabarmentzen ditu erakundeak "Euskal Herriko garapen kulturalean modu eraginkorrean" laguntzeagatik.
Mari Carmen Gallastegi Teoria Ekonomikoan katedraduna da eta EHUko Ekonomia Publikorako Institutuko Ingurumen Ekonomia Unitateko zuzendaria da. Baliabide berriztagarrien kudeaketa ereduetan, sektore publikoaren funtzionamenduan, Euroarekin bategitean eta ekonomiaren deslokalizazioaren fenomenoen alorrean aditua da. Jakiundeko kide ere bada bergararra.