Ahots bidezko kontrola
Xbox-ari aurrerantzean aginduak "berba" eginez emango zaizkio. Iziotu ere horrela egiten da gailua eta zuzenean jokoak eta multimedia edukiak leku berean aurkezten dituen menua agertuko da: telebista kateak, bideoak, musika... Telebista inteligente baten zerbitzuak emango ditu kontsola berriak.
Ezaugarri teknikoei dagokienez, abiaduran egin dira hobekuntzarik nabarienak, aurreko Xbox 360-aren ahalmena zortzi aldiz biderkatuta. Horretarako zortzi nukleo dituen PUZa du, 8 GBko RAM memoria, 500 GBeko barneko disko gogorra, Bluray disko optikoa, WiFia, HDMI sarrera-irteerak eta USB 3.0 bidezko kanpo konektibitatea.
Hardwareari buruz hori; softwarean Skype aplikazioa ekartzeak piztu du harridura baina, horrez gain, aplikazio bereziak izango ditu kirol emaitzak jarraitzeko ala telebistako kateetan emititzen denari buruzko informazioa jasotzeko, iragarri dutenez. Lainoko zerbitzuak ere eskainiko dira.
Kinect berria
Mugimendua atzemateko osagarriaren ahalmena ere ganditu egin dute bertsio berrirako eta Kinect berriak erabiltzailearen bihotz-erritmoa, oreka ala orientazioa sumatu ahalko ditu.
Urte amaierarako ipiniko dute salgai eta iragarri dute aurreko kontsoletarako jokoek ez dutela balioko Xbox berrian.