Ipuin kontalari baten saioarekin lagundutako afaria proposatzen dute Maialdetik zapaturako

Kataluniako Mar Ortegak egingo du Elgetako landetxean ikasturteko azken ipuin kontalari saioa.

Zapaturako 21:30ean egin dute hitzordua Maialde landetxean. Afaldu egingo dute lehenengo, jarraian, Mar Ortegak eskainitako ipuin sorta entzuteko. Prezioa 26 euro da eta erreserbak 943 789 107 telefono zenbakian egin daitezke.

Ez da lehenengo aldia Maialde landetxean eskaintza gastronomikoa ipuin kontalari saioekin uztartzen dutela. Aurretik Maialden egonda daude Amaia Arriaran, Maider Galarza edo Virginia Imaz. Kasu honetan Mar Ortega kataluniarra izango da Elgetan. Hogei urteko eskarmentua du heziketa munduan, baita ahozko narrazioan ere. Aktorea, eta pedagogoa da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.