Martxoa eta maiatza bitartean egiten dituzte hasierako habiak; horietako bakoitzeko erreginak beste habi bat egiten du; eta 200 erregina inguru sortzen dira. "Beraz, suntsitzen dugun hasierako habi bakoitzeko 200 erregina gutxiago izatea lortuko dugu", diote Mankomunitatetik.
Habien ezaugarriak
- Babes lekuetan egiten dituzte: teilatuak, leihoak, aterpeak, biltegiak…
- Tamaina txikikoak dira: bost zentimetro.
- Kolore desberdina izan dezakete, eraikitzeko erabilitako egurraren arabera.
- Habia kentzearekin ez da nahikoa, erregina akabatu behar da.
Zer egin habiak ikusiz gero
- Norberak suntsitu dezake, emandako jarraibideak jarraituz.
- Zalantzak izanez gero, udaltzainei deitu behar zaie.
- Beti eman behar zaie abisua udaltzainei, nahiz eta norberak kendu, jasota geratzeko non azaldu diren habiak.
Nola suntsitu hasierako habiak
Eguzkia atera aurretik edo gorde eta gero egin behar da.
- Poltsa batean sartu.
- Etxeko edozein intsektizida bota.
- Itxaron 20 minutu.
- Kendu paretatik.
- Suntsitu habia.
Informazio batzarrak
Gehiago jakin nahi izanez gero, aukera izango da herri ezberdinetan:
- Maiatzak 6, astelehena, 19:00etan, Arrasateko Kulturateko Areto Nagusian.
- Maiatzak 9, eguena, 19:00etan, Bergarako udaletxeko pleno aretoan.
- Maiatzak 10, egubakoitza, 19:00etan, Eskoriatzako Ibarraundi museoan.
- Maiatzak 13, astelehena, 19:00etan, Oñatiko Santa Ana aretoan.
- Maiatzak 16, 19:00etan, Aretxabaletako Arkupeko Zaraia aretoan.