Jan Koum fundatzaileak zabaldu berri ditu datuak. 2009an atera zuten aplikazioaren lehen bertsioa SMSen alternatiba eskaintzeko asmoarekin. Gaur egun 18.000 milioi mezu bidaltzen dira egunean eta datu horrekin batera, erabiltzaile kopuru zehatza esan barik, Koumek argitu zuen Twitter-ek dituenak baino gehiago direla, hain justu. Twitter-ek 200 milioi erabiltzaile ditu gaur egun zenbaketa ofizialaren arabera.
Informazio hau ematearekin batera, Jan Koumek aplikazioaren salmentari buruzko esamesak isildu nahi izan ditu esanez ez dabiltzala WhatsApp saltzeko ezelako negoziazioetan. Hain zuzen, azken astean behin baino gehiagotan zabaldu da Facebook eta Google handikiak atzetik dabilzkiela. Hala ere, aplikazioaren errentagarritasunak oraindik ere zalantzan jarraitzen du. Koumek esan du errentagarritasuna erabiltzaile kopurua are gehiago hazitakoan etorriko dela. Horretarako beharrezko ikusten dute ahalik eta jende gehienak izatea Interneterako konexioa duen sakelako telefono bat. Iragarkiaik txertatzea ere guztiz baztertu du WhatsApp-en fundatzaileak.