Google Reader uztailaren 1ean itxiko dute

Zerbitzu eskaintza zabalegia zuen Google-ek, bakar sendo eta zabal batzuk eskaini beharrean, hortik azken urteetako zenbait porroten arrazoietako bat, eta zerbitzu horietako asko ixten joan da bilaketen handikia. Ezustean, Google Reader RSS irakurgailua (albiste eta webguneetara harpidetu eta jarraipena egiteko zerbitzua) uztailaren lehenean etengo dutela iragarri dute gaur bertan.

RSS-ak irakurtzeko tresnarik erabilienetakoa da Google Reader, agian erabiliena, eta horregatik harrigarria izan da zerbitzuarekin amaituko dutelako iragarpena. Zerbitzua etengo dutela esan bai baina APIarekin zer egingo duten oraingoz ez dute argitu eta, etenda ere, zerbitzuaren bitartez eta hirugarren aplikazio batekin irakurtzeko bidea egongo dela ematen du.

Esportazioa

Itxieraren berri eman bezain laster, Reader-en jasotzen diren harpidetzak eta informazioa esportatzeko urratsak ere eman dituzte. Google Takeout zerbitzuaren bitartez egitea gomendatzen dute Google-etik. Alor honetan duten konpetentzia ere ez da urria eta zerbitzuaren ahalmen bera oso handia bada ere, diseinu eta aplikazio aldetik funtsezko eta funtzionala bezain landubakoa da Google Reader.