Android sistema eragilea darabiltenek aurrerantzean ordaindu egin beharko dute WhatsApp aplikazioa erabiltzen jarraitu gura badute. Probatarako, urtebete doan erabiltzeko aukera izan dute Android-eko erabiltzaileek mezularitza aplikazioa. Urterik urte berriztu egin da doakotasun hori, oraingo astera arte. Lizentziak urtebete egindakoan, erabiltzen jarraitzeko ordaindu egin beharko dute erabiltzaileek.
Android-ena izan da orain arte sistema eragile bakarra WhatsApp doan erabili zitekeena. iOS-eko bertsioak 0,89 € balio du, esate baterako, eta Blackberry, Windows Phone ala Symbian-en ere ordainpekoa da.
Orain arteko doako bertsioek, esan moduan, urtebeteko lizentzia daukate. Kontuaren informazioa jasotzen den atalean ikus daiteke noiz arteko lizentzia duen erabiltzaileak, aplikazioaren aukeretan bertan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.