Oholtza gainera 7 eta 16 urteko 35 ikasle igo ziren, Arrasate Musikalek antolatuta. Batzuk lasai eta beste batzuk urduriago, akatsen bat edo beste tarteko baina txukun jardun zuten musikari gaztetxoek. Hain zuzen, Aretxabaleta, Bergara, Oñati , Eskoriatza eta Arrasateko musika eskoletako ikasleak igo ziren jotzera eta baita, Elgetakoak ere; aurten Arrasateko jaialdian lehen aldiz parte hartzen.
Artista txikiak
Erraztasun ala zailtasun gehiagorekin, baina, ordu bete pasatxo iraun zuen emanaldiak eta ikasleek banaka eta binaka jo zituzten piezak, ezagun eta herrikoiak asko, Bach ala Tchaikovskyrenak bezala. Txikienek pieza laburrak jo zituzten eta nagusiagoek pasarte luzeagoak. Helburuetako bat, izan ere, ikusleen aurrean eta eszenatokian jotzen ohitzen hastea da. Arrasatekoa, horrela, urteroko zita bihurtu da, honezkero. Urduritasunik ez, baina, atzo ez zeuden urduri neska mutikoak, guztiak zeuden pianoa jendaurrean jotzeko irrikaz, ondo entseatuta.
Hurrengoa, Andoain
Atzoko jaialdia, etxekoen eta lagunen aurrean eskoletan ikasitakoa erakusteko aukera izateaz gain, izan zuten, baita ere, entrenamendu ukitua.
Andoainen otsailaren 23an piano lehiaketan parte hartuko dute atzo jo zutenek. 800 piano jolerekin batera egingo dute, gainera.
