Atzo arratsaldean aurkeztu zuten Debagoienean izango dugun kirol hitzordu berria. Ander Bereziartua Antxintxika taldeko kidea, Aitor Rementeria Antxintxikako kidea eta Aritz Saidi Antzuolako kirol zinegotzia zan ziren aurkezpenean. "Lehenik eta behin Antxintxikatik azpimarratu nahi dugu Antzuolako herriak, herriko komertzioek eta lantegiek eskaini diguten laguntza lasterketa antolatzerako orduan. Hala, espero dugu herriarendako egun eder bat izatea eta lasterketa honekin denok disfrutatzea", adierazi zuen Aitor Remementeriak.
13 kilometro, paraje ederretan
Antolatzaileen esanetan, Antzuolako lasterketako ibilbidea paraje ederretan zehar egingo dute, eta 13 kilometro luzetan korrikalariek 835 metroko desnibel positiboa gainditu beharko dute.
Proba Herriko plazan hasiko dute (10:30) eta korrikalariek Irimorako (898m) bidea hartuko dute Antiguako auzotik. Ondoren Gorlara jaitsiko dira, baina handik Antzuolara egin beharreko tartean zatiren batean igoera tarte txiki batzuk ere izango dituzte; helmuga, ostera, Antzuolako plazan izango da. Hala, Antxintxikako ordezkarien ustetan korrikalari azkarrenak ordu baten bueltan iritsiko dira helmugara, proba azkarra izango da, beraz.
Lasterketan aurrez izena emateko epea otsailaren 14an amaituko da (kirolprobak.com). Hala eginez gero 8 euro ordaindu beharko dira, eta egunean bertan izena ematen duenak 18 euro ordaindu beharko ditu (16-18 urte bitartekoek gurasoen baimena beharko dute parte hartzeko).
Txikiendako hitzordua
Lasterketaren ordu berean (11:00) txikienek (1-3 urte) ere izango dute zerekin entretenitu, haurrendako Molto motorren lasterketak egingo dituztelako, Munduko Txapelketa, gainera (Euria egingo balu
