Gurean egiten den seigarren ikastaroa izan da. 2005ean egin zen lehenengoa, eta, 2009ra bitartean, urtero egin da. Sei edizioetan, guztira, 1.195 konpostagailu banatu dituzte: Antzuolan, 180 banatu dituzte; Aretxabaletan, 94; Arrasaten, 250; Bergaran, 196; Elgetan, 45; Eskoriatzan, 122; Leintz Gatzagan, 18; eta Oñatin, 290.
Mankomunitatetik aurreratu dutenez, kanpaina bukatu bada ere, interesa dutenek izena eman dezakete eta gutxieneko taldea sortzen denean ikastaroa antolatuko dute. Izena eman daiteke 943 79 33 99 zenbakian.
Auzo-konposta ere bai
Ortu edo lorategirik ez duten herritarrek auzo-konposta ere egin dezakete; alegia, auzokoen artean egindakoa. Horretarako, udaletxera jo baino ez dute, eta konposta egiteko gunea presta diezaieten eskatu.