Zenbait erakunde, aditu eta internautek sinatu dute dagoeneko Internet Askearen Aldeko Deklarazioa. Acces, Global Voices, Amnistia Internacional, Free Press... bezalako erakundeek sinatu dute, besteak beste. Deklarazio labur eta zehatza, Internetek izan behar lukeena defendatzeko. Ekimena Interneteko zentsura, kontrol eta manipulazioaren aurka doa, ACTA, SOPA edo Espainiako Sinde-Wert Legea bezalakoen aurka.
Internet librea eta irekia defendatzen du Internet Askearen Aldeko Deklarazioak. Prozesu garden eta parte hartzaileak babesten dira Interneterako politikak formulatzeko, baita bost oinarri edo lan-ildo finkatu ere: ez zentsuratu Internet; sarbide unibertsala eta azkarra bultzatu; Internet sare ireki bezala mantendu; baimenik gabe sortu eta eraberritzeko askatasuna babestu; pribatutasuna defendatu. Norberak sinatzeko aukera ere badu hemen: www.internetdeclaration.org/freedom webgunean
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.