Gaur bertan, eguena, jeltzaleek, sozialistek eta popularrek Juan Karlos Alduntzin Ingurumen diputatuaren kontra erregistratu duten zentzura mozioaren gainean Martin Garitano diputatu nagusiak esan du Aldundiak hondakinen kudeaketari buruz aurkeztu duen dokumentuaren gainean hitz egin gura duela: "Gipuzkoako Foru Aldundiak hondakinen kudeaketarako dokumentu bat aurkeztu du eta horren gainean eztabaidatu gura dugu, ez Alduntzin, Ugarte edo Francori buruz".
Dokumentu horretaz hitz egiteko alderdiekin bilerak deituko dituztela esan du, hori eztabaidatzen ez badute beste guztia "antzua" delako, bere iritziz. "Espero dut eztabaida zintzo eta ausart baten ostean, adostasunak lortzea".
"Beste era baten gobernatzea posible da"
Bildu Diputaziora heldu zela urtebete inguru beteta, denbora tarte horretan egindako lanaren gaineko balorazio positiboa egin du: "Uste dut urtebetean erakutsi dugula posible dela beste era batera gobernatzea eta kudeatzea, nahiz eta egungo krisi ekonomiko sakonak gauzak zaildu. Herritarrekiko gertutasuna erakutsi dugu".