"Zerbitzuei eusteko-eta aurrekontuetako arazo larriak" dituzten garai hauetan, udalak ez daude "nahi ez duten errauste plantan" dirua gastatzeko prest, alkate horiek esan dutenez. Gainera, egitasmo hori ingurumenarentzat kaltegarria dela uste dute.
Debagoieneko bost alkatek egin dute bat ekimenarekin: Arrasate, Bergara, Oñati, Aretxabaleta eta Antzuolakoak.
Atea atekoaren alde
50 alkateak atez ateko sistemaren alde azaldu dira. Izan ere, adierazi dutenez, bilketa era horrekin hondakinen %80 birziklatzen da, Oiartzun, Hernani, Usurbil eta Antzuolako ereduek erakusten omen duten bezala. "Atez atekoa da sistemarik eraginkorrena".
Dena dela, hondakinak gaika jasotzeko sistema horretan era desberdinak egon daitezkeela uste dute. Haien iritziz, bosgarren edukiontzia atez atekoaren datuen aldean "oso urruti" geratzen da.
Bestalde, Juan Carlos Alduntzin Ingurumen diputatuak martitzenean azalduko du Batzar Nagusietan hondakinen kudeaketarako plangintza berria.
Batzar Nagusietan aurkeztu ostean, herririk herri aurkeztuko du Gipuzkoako Foru Aldundiak hondakinak kudeatzeko estrategia. Bost aurkezpen egingo dituzte, hain justu ere, lurraldeko lau herritan ere hiriburuan. Lehena, eguaztenean, 19:00etan, Donostiako San Telmon.
Debagoienean, Arrasate egingo dute, egubakoitzean, 19:00etan Kulturaten. Juan Carlos Alduntzin Ingurumen diputatua eta Laia Valenzuela, Spora Serveis Ambientals-eko zuzendaria izango dira bertan.
Mosaiko erraldoia
Bestalde, hilaren 17an Donostiako Saguesen Zero Zabor taldeak antolatuta egingo den mosaiko erraldoian parte hartzeko eskatu dute Gipuzkoako 50 alkatek gaurko agerraldian.