Europako parlamentariek ulertzen dute, natura baliabideak modu efizientean erabiliz gero, Europaren hazkunde ekonomikoa bultzatzeaz gain, ingurumena babesten dela. Eta, honekin lotuta, ingurumenarendako kaltegarriak izan daitezkeen diru laguntzak saihestea eskatuko diote europarlamentariek Europako Komisioari.
Zabortegiak debekatu
Txostena onartu dute aldeko 479 botorekin, 66 kontrakorekin eta 63 abstentziorekin. Alde bozkatu dute PPko eta EAJko euskal parlamentariek. Europako Komisioari eskatzen zaio 2014a baino lehen aurkez ditzala proposamenak pixkanaka-pixkanaka hiri hondakinak jasotzeko zabortegiak itxi edo debekatzeko.
Europako parlamentuak dio produktuak egokiago diseinatuz gero, industria eta kontsumitzaileak irabazle atera daitezkeela. Zentzu honetan, eskatu dute produktuen biziraupena luzatzeko, birziklatzeko eta materialak berrerabiltzeko, politikak eta legeak bultza ditzala Europako Komisioak. Bestalde, produktuek etiketetan ingurumenari egin ahal zaion kaltearen gaineko informazioa jasotzea ere eskatu dute.
Oro har, baliabideen erabilpen egokiarendako plana bultzatzea da gaur onartu den txostenaren izpiritua.
Ingurumena kalte dezakeen planak diruz laguntzea saihestea ere eskatu dute europarlamentariek.