Spartan zeritzon poriketu batekin eman zituzten lehen arrastoak orain urtebete. HTML5ean eraikitako aplikazio eta jokuen denda izango zela esaten zen bere garaian eta azkenean esames guztiak bete eta plataforma berria aurkeztu berri dute App Center izenarekin. Sare sozialak dituen milioika erabiltzaileak kontuan hartuta eta haien erabilpen ohiturak ere ikusita, agerikoa da garatzaileek erakutsi duten interesa.
Denda barruko denda
Aplikazio baten barruan legokeen denda bat eskaintzen du Facebook-ek eta aplikazio horiek, bide horretatik, bestelako aplikazio denden arau zorrotzetatik izango ez luketen aukera izango dute orain garatzaileek. Facebook barruko aplikaziotik gainera App Store ala Android Marketerako loturak ere eman ahalko dira. Momentuz Draw Something, Pineterst, Spotify ala Viddy moduko aplikazioak aurki daitezke Facebooken App Center-ean baina espero da datozen asteetan, aurkezpen ofizial eta handi batekin, ezagutzera eman eta bestelako aplikazioei zabalduko diotela plataforma berria. Nabigatzailetik eta Android eta Apple-eko aplikazioetatik sarti ahalko da denda berrira.