Bitxikeriaz betetako kongresua iruditu zaigu. Gehien errepikatuta ikusi ditugun gaiak NFC gailuei emandako aplikazio desberdinak, telefonoak uretatik isolatzeko asmakuntzak, mugikorretzat aplikazioak (batez ere jokoak eta sare sozialak) eta telefono mugikorrentzat osagarriak dituzten stand-ak izan dira.
Telefono mugikorrei dagokienez, ez dugu teknologikoki berrikuntza handirik somatu. Gainera, tarte askoz handiagoak eskaini dizkiete tablet deritzen dipositiboei.
NFC teknologiak indar handia izango duela nabarmen ikusi dugu. Teknologia bera berria ez den arren, aplikazio berritzaileak eman dizkiete, ateak zabaldu, "vending" makinetan erosi... eta abar.
Bitxikerien artean, telefono mugikor bitartez usaiak bidaltzeko tresnak harritu gaitu.
Datorren urteko datak dagoeneko ezarrita daude, 2013ko otsailak 25ean zabalduko ditu berriz ere Mobile World Congress-ek ateak. Datorrenerako egoitza aldatuko dute, Fira-tik Gran Via-ra.