Zer gertatuko da sareko biltegiratze zerbitzuekin? Hotfile, Rapidshare eta Mediafire dira ezagunenak eta hiru zerbitzuen etorkizuna zalantzan dago.
Hotfile diote dela jausten hurrengoa, salaketa eta epaiketa gehien izan dituen zerbitzua izanik. Copyright urraketengatik salaketak izan ditu zerbitzu honek baina Miamiko epaile batek karguak bertan behera utzi zituen.
Rapidshare ezagunenetakoa izateaz gain, beteranoenetakoa ere bada eta honek ere makina bat salaketari egin behar izan die aurre. Alemaniar jatorria du enpresak baina oraindik herrialde horretako Justiziak ez du kondenatu, epai baten arabera, "zerbitzua ez delako gauza fitxategien igoera eskerga kontrolatzeko". Jatorriz alemaniarra bada ere, Suitzan daukate gaur egun egoitza Rapidsharekoek.
Mediafire da beste potoloetako bat eta berrienetakoa ere. Hileko 150 milioi erabiltzaile ditu webgune honek eta beharbada arriskutik gertuen dagoena da, egoitza Estatu Batuetan baitauka Mediafire-ek.