Irteera horretan, zapatuan, Atxeritora (2.378 m) igotzeko asmoa dute, eta domekan Chinebral de Gamuetara (2.329). Izena emateko azken eguna urtarrilaren 17a da, martitzena, eta egun berean batzarra egingo dute irteeraren gainean berba egiteko.
Besteak beste, elur eskasiagatik irteera aldatzeko egon daitekeen aukeraz egingo dute berba; horrenbestez, batzarrera joatea gomendatzen dute (19:00etan, Pol-Poleko bulegoan).
Kontuan hartzekoak
Mendi eskiko irteera horietan parte hartzeko hainbat gauza izan beharko dira garbi: taldean egiteko irteerak izango dira, ez lasterketak, eta inor ez da bakarrik geldituko mendian; eskiatzen jakitea beharrezkoa izango da, ondo biratzen jakitea; jendeak material egokia eraman beharko du, eta derrigorrezkoa izango da federatuta egotea. Informazio gehiago jasotzeko, jo bulegora.
"Taldean egiteko irteerak izango dira ez da lasterketa bat izango, mendiaz neguan gozatzeko aukera bat da, ez norgehiagoka bat" diote Pol-Poletik.
Behar den materiala
- Mendi eskiko taulak eta lokailuak.
- Mendi eskiko botak.
- Larruak.
- Makilak.
- Mendiko eskiko hortzak.
- Kaskoa.
- Segurtasun materiala: pioleta, kranpoiak, ARVA, sonda eta pala. Oso Oso-oso gomendagarriak dira, bai zure segurtasunerako bai eta zurekin doazen lagunen segurtasunerako.