Pertsonaiarik bilatuena Justin Bieber abeslari gaztea da, iaz seigarren lekuan geratu eta gero, aurten lehen postua eskuratzera heldu dena, hain zuzen. Izarren artean, kirolaririk bilatuena Maria Sharapova tenis jokalaria izan da.
Albiste eta gertaerei dagiokienez, interes gehien piztu dutenak celebrity eta prentsa arrosari dagozkienak dira eta horietaz gain, albisterik bilatuena Casey Anthonyren epaiketa izan da (desagerpena salatu eta gero, alaba hiltzeagatik epaileen aurrean erantzun behar izan zuen emakumea da, nahiz eta, azkenean libre geratu) eta Osama Bin Ladenen heriotza. Irene hurakana, lurrikara eta Japoniako tsunamia dira, hurrenez hurren bilatuenak. Heriotzak eta ezbeharrak dira nagusi eta hori frogatzeko azken albisterik bilatuena: Amy Winehouse musikariaren heriotza.
Teknologiaren eremura mugatuta, gailurik bilatuena aurten Xbox kontsola izan da; harritzekoa ez dena; Microsoften bilatzailea eta kontsola baitira biak ala biak. Kindle irakurgailua, iPhone 5a eta iPada dira, zerrendan hurrengoak.
Aipagarria da, amaitzeko, terminoen artean ekonomiarekin lotutakoak direla bilatuenetatik asko: bankrupcy (kiebra), selling a home (etxea saldu) eta lehen postuan estate agents (inmobiliaria agenteak) terminoa dago.