76 lagunek eman zuten izena Gatzagako auto igoeran parte hartzeko. Entrenamendu saioan argi ikusi zen azkarrena, eta saria lortzeko faboritoa Zabaleta bergararra zela: 1:22,025eko denbora egin zuen entrenamendu saioan. Gainera, Nogueiras oñatiarrari ez zioten entrenamendu saioan irteten utzi, berandu iritsi zelako irteera puntura. Sekulako haserrea eragin zion horrek oñatiarrari.
Hirugarrenean ez zen irten
Lehenengo txandan eta baita bigarrenean ere Zabaleta izan zen azkarrena – bietan denbora onena 1:19,523 izan zen–; hala, hirugarren txandan arriskurik ez hartzea erabaki zuen eta irteera puntura joan arren, irteera egin eta erretiratu egin zen.
Sari banaketa
Sari ekitaldia Eskoriatzako HUHEZI fakultate aurrealdean egin zuten. Antolatzaileek gogoan izan zuten asteon istripuz hil den Mikel Pagaldai zena.