Oihana Kortazar elgetarra, Europako txapeldun berria

Oihana Kortazar elgetarra, Europako txapeldun berria

Atzo, domeka, azkarrena izan zen Italia eta Suiza artean jokatutako International SkyRace Valmalenco-Poschiavo lasterketan.

Forman da Oihana Kortazar elgetarra. Amatasun kontuengatik konpetiziotik kanpo egon da urte eta erdian, baina indartsu itzuli da. Atzo, domeka, bera izan zen azkarrena Italia eta Suiza artean jokatutako International SkyRace Valmalenco-Poschiavo lasterketan.

31 kilometroko lasterketa egin zuen elgetarrak ia 1.000 metroko altitudean. Emakumezkoetan Kortazar izan zen azkarren. Bere denbora: 3:18:46. Bigarrena Emanuela Brizio italiarra izan zen (3:22:00) eta hirugarrena Espainiako selekzioko Nuria Dominguez (3:22:43). Gizonezkoetan Robert Krupicka txekiarra izan zen jaun eta jabe (2:39:59).

Kortazarrek Zegama Aizkorri irabazi berria du eta Espainiako Kopa eta Txapelketa prestatzen ari da. Uztailaren 3an jokatuko dira biak Vilallerren, Lleidan.