Gaur egun euskaraz 100.580 artikulu daude eta 186.023 orri guztira (eztabaida foroak eta antzerakoak zenbatuta). Zifra potoloagoak ere eman daitezke, esateko, sortu zenetik 2.141.642 aldaketa egin direla edota 26.281 erabiltzaile daudela erregistratuta gaur egun.
Gizateriaren ondare "digital"
Wikipedian 32tik gora hizkuntzatan idazten da eta, hain zuzen, UNESCOk Gizateriaren Ondare digital izenda dezan kanpaina hasi dute Wikipediaren fundatzaileek. Erabiltzaileen ekarpen boluntariekin osatzen den on-line entziklopediaren hautagaitza babesteko sindadurak batzen dihardute webgune baten bitartez. Sustatzaileek aurten, hain justu, ekimenak entziklopediaren hamargarren urteurrenarekin bat egin dezala gura dute. Jakintza aske eta partekatuaren ikurretako bat izatea gura dute Wikipedia, "zibilizazioaren historian inoiz egon den jakintzaren elkartrukerako leku berdingabea" izan dela azalduz. Momentuz UNESCOk ez dauka ekimen digitaletarako kategoria berezirik eta hori aldarrikatzeko ere bultzatu nahi dute kanpaina hori.